After the Storm... May Susunod Pang Isa

Paghahanap ng Liwanag sa Ilalim ng Kadiliman ng Dagat

Hahanapin ko ang katotohanang nabigo ako
Sa di magkaumayaw na pangyayaring naglugmok sa sarili
Ang nakabibinging dilim na ikinukubli ang aking mithiin
Sana'y pumanaw at sana'y mawari

Naglalaro ang isip ko sa samu't saring imahe
Interpretasyon ng magulong isip
Sanay na ako na natatapon ang naiipon
Pero gusto kong maibalik ang kahapon

Hindi ako nagsisisi sa aking ginawa noon
Ang pagsabi ng totoo ang tanging solusyon
Ngunit ang pagiging totoo minsan ay nakakalito
Bakit ganito, bakit ako ang talo

Pilit ko mang paniwalain ang sariling maaayos pa
Hindi ko maikakaila ang tagong hinagpis
Isa lang ang mahihingi ko sa kabila ng kabiguan
Mithiin ko'y bumalik at sana'y wag nang iwan



Haaaayyyy Layp!!! Sa dami ng mga ginagawa ko ngayon, di ko na alam kung ano ang uunahin. Minsan nakakainis na sobra na para bang ayoko na. Pero hindi puwedeng hindi eh. Kailangan ko tapusin ang nasimulan.
Ayos na sana eh, natapos ko na ang experimental midterms ko, maayos na ang midterms sa ibang subject. Makakapagpahinga na ako at makakatulog nang biglang... too toot too toot!!!

1 message
received
Open

Opening...

Opening message...

Syet!!! Di ko na lang isusulat dito ang text message mismo kasi nakakalungkot. basta gusto niya makipag-cool off sa akin. Hindi man lang ako nakapag-explain nang matino tapos ganun ang gagawin. nakakalungkot man hinayaan ko na muna. Palilipasin ko na lang muna to. Baka bukas maaayos din to.